#Corse – L’AC Aiacciu hà firmatu a Cartula di a Lingua Corsa

(Michaël Andreani – Alta Frequenza) – Inghjiru à u scontru di ghjocu à ballò di dumenica à sera, chì uppinia l’AC Aiacciu à u Paris Saint-Germain, a squadra aiaccina hà firmatu a Cartula di a Lingua Corsa di a Cullettività Tarrituriali. Dopu à u Sporting Club di Bastia, è à parechji cumuni isulani, tocca oramai à a casa « Rossa è Bianca » d’ingaghjà si à prò di u spannamentu di a lingua corsa, quì ind’u settori di l’intrapresa. Parechji misuri sarani d’altrondi appiecati in issu sensu, cù frà altru corsi di lingua pà i ghjucadori o tuttu altru impiecatu di a struttura, o ancu a signaletica bislingua in Timizzolu.