Corse, Corsica – Una cunvenzioni di partenariatu pà u sviluppu ecunomicu di u Niolu

(Michaël Andreani – Alta Frequenza) – Dopu à parechji anni di discussioni, i cumuni di Niolu, a cumunità di cumuni d’Aghja Nova, u PNRC, l’Associu Naziunali di l’Eletti di Muntagna, è EDF Corsica, ani da firmà una cunvenzioni di partenariatu strategicu, in Casamacciuli, u ghjovi l’8 di Sittembri, duranti à a Santa di u Niolu. Issa cunvenzioni, di primura pà u tarritoriu, cuncerneghja frà altri, a missa in valori di u lavu di Calacuccia, di a Scala di Santa Regina, è l’uparazioni di sustegnu di l’uperatori EDF, in tarmini di mecenatu è d’energii di rinnovu. Ci si pò veda dinò, un sviluppu ecunomicu pà tuttu u rughjoni di Niolu.