A settimana scorsa i sindicalisti STC di a sezzione EDF_GDF Corsica dinunciavanu in a una cunferenza stampa in Aiacciu i metudi di ricrutamenti utilisati in l’isula, dinuncendu un disprezzu verd’di i ghjovani Corsi chi pretendianu à i posti offerti da l’intrapresa.
Sicondu à u sindicatu a cumpetenza uguale, serianu preferiti ghjenti ghjunti d’altro.U sindicatu palisegha una parzialità in u trattamentu di i CV. i sindicalisti nè vulianu chjamà à i pulitichi che no simuI St’esempiu hè l’illustrera di cio chi si passa oghje in Corsica in parechje intraprese publiche. A nostra assemblea nantu à stu sughjettu tene una respunsabilità . Si sente a spessu qui, parlà, è hè ghjusta, da a parte di tutte e tendenze pulitiche , di a necessità d’assicurà a furmazione , di i cuadri d’issu paese. Si parla assai, e si face assai qui, pè aiutà , incuragisce è valurizà a nostra Università.
Esistenu dinù, d’altre strutture chi so in capacità di furmà in parechji duminii di cumpetenze è a parechji livelli a nostra ghjuventu. Ci so ghjovani furmati , chi volenu stantà u so pane qui , ci so ghjovani Corsi chi so in altro è chi volenu vultà in Corsica da mette à u serviziu di u so paese e nove cumpetenze acquiste. E ,’avemu bisognu d’issa ghjuventù. Hè issa ghjuventù, quella di una Corsica chi stanta , chi travaglia , chi intraprende chi deve esse incuragita.
Noi qui, chi avemu in carica, l’interessi materiali è murale di i Corsi, li devimu assicurà di pudè stantà u so pane qui. E po, ne parlemu spessu, vulemu cuncipisce un prughjettu pulituc chi assicuressi u sviluppu ecunomicu d’issu paese. Perquessa avemu è averemu bisognu di cupetenze. Un pudemu acittà chi una parte d’issa ghjente furmati sia in l’obligu di spatrià si da pudè travaglià.
A cursizazione di l’impieghi hè una vechja rivindicazione di u muvimentu naziunale, luntanu di una visione cummunutarista, razzista, s’articuleghja in giru à u principiu di citadinità, un principiu apertu è generosu. Al di là, vuleriamu dino chi a nostra assemblea pigliessi in manu a prublematica maio di l’impiegu è di a furmazione in Corsica. Dapoi u principiu d’issa mandatura avemu à parechje uccasione puntellatu a necessità di purtà una riflessione natu à issu dui duminii fundamentali se no vulemu assicurà un sviluppu ecunomicu à issu paese chi sia ammaestratu è a pro di i Corsi. Sapemu dinù chi issa prublematica hè larga è cumplessa, è chi l’attori è l’istituzione impignati so mutiplice è diversi .
Perquessa una di e 10 misure chi u nostru muvimentu hà purtatu durante a campagna di u 2010 era a tenuta d’Assise di l’impiegu duve tuti l’attori è tutte e l’aspetti puderianu esse poste da custruisce a nostra riflessione , definisce priurità, elaburà pruposte. Cume n’avemu fattu incù l’assise di u u fundariu è di l’alloghju. D’altronde à a sessione di u 15 did icembre di u 2011 à l’occasione di u passaghju di u CPRDF u nostru gruppu hà dumandatu torna a tenuta d’Assise di a furmazione è di l’impiegu, a risposta era stata pusitiva. Allora oghje, sgio Presidente, vi dumandemu se vo site a pro di l’urganisazione di st’assise è si perquessa, site pronte à dà u vostru accunsentu da fissà un calendariu per a so messa in opera.
A ringrazià vi
Assemblée de Corse
Josepha Giacometti, Corsica Libera
Vous aimez cet article ? Faîtes-en profiter vos amis !
Faites passer l’information autours de vous en cliquant sur :
Comments are closed.