A Corsica hè infangata, piu che mai, inde a viulenza … Per un si o per un no, si tomba. E tutti i mezzi so bonni per fassi ghjustizia, se la si po parla di a sorte … Fucilate, pistoletate … e oramai bombe …
In sa dumenicata di Pasqua, a Corsica he dunque stata cunfronta à fatti dramatichi … Eri mane, in Petrosu, in Piaghja Urientale, Ghjaseppu Sisti e u so cugnatu, Luigi Chiodi, so cascati sottu a e balle di unu o parecchji tiradori alora ch’elli andavanu cume ogni ghjornu, a currà e so bestie. Un dopu assassiniu chi fecia seguita a un attentatu in centru città aiaccinu a notte nanzu …
Attentatu chi ha fattu una vittima … Ghjuvan Petru Rossi, osteriaghju di 56 anni, gravamente feritu e chi ferma sempre tra a vita è a morte. In u carrughju Fiorella, divastatu da a bomba, l’omi di a puliza tecnica e scientifica cuntinueranu oghje torna e so invistigazione … Fatti di viulenza chi hanu sbucatu nanta parecchje riazzione di cundanna … Quella di u prefettu di Corsica chi parla d’un attu chi averebe pussudu fà di piu vittime … attu incunsequente secondu a Ghjuvan Ghjacumu Panunzi, u presidente di u cunsiliu generale pumontincu impeseritu da a crescita di a viulenza …
Attu irrespunsebule seconda a Anghjulu Santini, un hè quessa strada che la deve seguita a Corsica preciseghja Simone Renucci … Per Ghjuvan Cristofanu Angelini, sa situazione di viulenza he diventata insuppurtabule, Ghjuvan Carlu Orsucci dice che lu ci vole a battesi per mette fine a sa viulenza. U tempu di l’arme e di l’attentati he compiu … ci vole di piu manifestazione contru a e viulenze dice per compie Dumenicu Bucchini, u presidente di l’assemblea di Corsica chi era a ott’ore menu dece l’invitatu di a redazzione. Viulenza chi runzigheghja a pena di piu a Corsica. Si dice, si face … ma per disgrazia, un c’hè nulla chi cambia
Comments are closed.