#Corse – A neve vulterà su dopu meziornu nant’à a Corsica

A neve sarà torna à u prugramma di sta ghjurnata. Neve chì ghjunghjerà d’Italia su dopu meziornu è chi tuccherà principalmente a costa urientale è u nordu di a Corsica. Neve aspittata à partesi di 200 metri … Per avà, a circulazione hè nurmale nant’à e strade naziunale .. Ma, per via di e previsione è di a prisenza impurtanta di u cotru, u cunsiliu generale cismuntincu un assigurerà oghje torna i trasporti sculari. Su tempu freddu ha cunsiquenze dinò à livelu di a cunsumazione eletrica … cunsumazione chì ha francatu eri sera a prova suprana di u 2010, incù 524 megawatts cunsumati tra 6 ore è 9 ore. (rcfm)