Anghjulu Maria,

Sì natu di sta terra. Sì mortu per sta terra. U to sacrifiziu ùn hè vanu : sì oghje un martiriu di sta lotta chì rammenta à ognunu chì a Corsica ùn hè francese, chì a Corsica hè di i Corsi, è chì a Corsica hà dinò cum’è tutti i populi di u mondu i dritti pè sceglia u so avvena. Tenimu rammintà dinò u to ingaghjamentu di tutti i ghjorni. Eri un travagliadore di cunvinzione, è vulemu dì à tutta a to famiglia, è tutti i to amichi, à tutti i corsi oghje prisenti, chì semu fieri di tè è chì sta lotta l’emu da cuntinuà. À vedeci o Anghjulu Maria, è riposa in paci per l’eternità.