#Corse, #Corsica – “Bastia nuit gravement à l’image du football français” ? Tantu megliu !

I Corsi sò viulenti, gattivi, salvàtichi, assassini, ladri, rubacce. D’altronde, Frédéric Thiriez a sà bè postu chì a partita Bastia – Lens ùn era ancu finita ch’ellu avia digià fattu un cummunicatu. Ma i gattivi sugetti ùn sò micca sempre corsi…

U sàbbatu 15 ottobre à 4 ore è 10, una baruffa schjattava nant’à u terrenu di Furiani, à qualchì minutu di a fine di Bastia – Lens. Hè goffu, ma cusì si passa nant’à tutti i stadii di ballò di u mondu.

À 4 ore è 20, Frédéric Thiriez facia u so cummunicatu, lagnendusi chì “Ces incidents répétés nuisent gravement à l’image du football français et à celle du club bastiais “, precizendu chì “La Ligue rappelle que le terrain de Bastia est actuellement sous le coup d’un match de suspension avec sursis suite aux incidents du match entre Bastia et Le Mans“.

Eccu, semu ripartuti per un’altra tazzata, mediatica sta volta. L’infurmazione passa in prima pagina di tutti i siti d’attualità : Le Figaro, TF1, si ne parlava ancu in u JT d’i>télé : “une fois de plus en Corse… le retour des vieux démons à Bastia… difficile de jouer dans le contexte corse…”

I gattivi Corsi contr’à i bravi Ch’tis, ùn pudiamu micca luttà.

Lea è seguita di l’articulu

feti passà l’infurmazioni in giru à voi appughjendu sopra à: