Sauveur Gandolfi Scheit, u deputatu corsu, dumanda à tutti quelli di u Palazzu Bourbon di reflete nantu à un prughjettu di legge chì sbuccherà, s’ellu hè adupratu, nantu à u fattu ch’alcuna ghjurnata di campiunatu ùn si aprivistu stu ghjornu quì. I respunsevuli di u culletivu, chì si battenu dapoi mesi è mesi, vede, forse, a fine di a solotta.
Ùn si sà s’è a demarchja principiata più d’un annu fà, da u cullectivu per u cinque di maghju, hà da sbuccà nantu à qualcosa di cuncretu. Una cosa hè sicura : dapoi u principiu, tutti, ch’ellu sia u mondu spurtivu, assuciativu, è ancu puliticu, di Corsica è d’altrò anu sustinutu u culletivu è l’idea di fà, di ognu cinque di maghju, un ghjornu senza cumpetizione. L’ultima fasa di sta demarchja hè ghjunta, pocu tempi fà, da Sauveur Gandolfi Scheit, merre di Biguglia è dinò deputatu.
Quellu hà decisu, in leiacù i respunsevuli di u culletivu, di scrive un prughjettu di leggechì, nanzu di passà davanti à l’Assemble Naziunale, (di nuvembre prussimu)hè statu mandatu à tutti i deputatu di Francia.
Eccu lu stu scrittu : « In memoria di u drama di u 5 di maghju di u 1992, induva sò morti 18 parsone è sò state ferite 2300, alcunu scontru, ch’ell usia di campiunatu naziunale o di cuppa, ùn po esse prugramatu stu ghjornuchì, d’altronde, serà dedicatu à a cummemorazione. » I deputati di Francia, anu, avale, sin’à u 5 di nuvembre per dà u so avisu nantu à stu scrittu è sta pruposta di legge.
Vous aimez cet article ? Faîtes-en profiter vos amis !
Faites passer l’information autours de vous en cliquant sur :
Comments are closed.